Imaxina pensar unha personaxe calquera con tódolos seus detalles; un moteiro enrugado, un guerreiro coa súa espada en posición de defensa, unha personaxe de debuxos animados tirada na cama e ata o mesmo mago Merlín. Pois agora imaxina poder levalo á realidade.
O pasado 22 de abril, o ilustrador David Fajardo acudiu a Aire Centro de Arte para explicarnos os principais conceptos na creación dunha historia e as diferentes técnicas sen desviarse da liña de deseño de cómic.
Nun primeiro lugar, os participantes do taller tiveron que imaxinar a personaxe que eles quixeran e, logo das primeiras explicacións de David Fajardo, comenzaron a trazar os primeiros bosquexos da súa obra.
Axustando sempre os coñecementos en función dos intereses dos nosos alumnos, as primeiras liñas ían cobrando forma e cada vez podíamos atisbar mellor o que sería o resultado final das personaxes.
David Fajardo explicou varias técnicas de composición de debuxo e deu uns pequenos truquiños para mellorar a técnica en función da personaxe que foran crear.
O resultado final foron obras do máis orixinal e cunha precisión do detalle de verdadeiros profesionais.
Deixámosvos unhas fotos do proceso do taller e convidámosvos a que participedes con nós nos próximos.
Texto: Sara Lodeiro.
