Sonoterapia

sonoterapia

“Se queres entender o universo

pensa en enerxía, frecuencia e vibración”

Nikola Tesla

 

 

Que é a sonoterapia?

A sonoterapia utiliza a vibración e o son para curar a nivel físico, mental, emocional e espiritual. Baséase no feito de que todo ten unha vibración determinada e característica. O son é vibración: as notas máis graves son vibracións de baixa frecuencia mentres que as máis agudas son vibración de frecuencia máis elevada. Como os diferentes tons do son, cada órgano, cada célula, cada meridiano, cada punto enerxético do noso corpo vibra coa súa propia frecuencia.

Por iso podemos afirmar que somos vibración e que, cando estamos sans, vibramos en harmonía. Así, cando un órgano, chakra ou meridiano está san e equilibrado, a súa frecuencia vibratoria está en harmonía co resto do corpo; pero se este se desaxusta ou se dana, a súa frecuencia altérase como consecuencia, creando unha disonancia que xera malestar, dor, debilidade, etc.

Se se aplica unha vibración de frecuencia equivalente á específica para un órgano determinado, pódese conseguir que ese órgano recupere a súa frecuencia de resonancia, harmonizándose co resto do corpo e desaparecendo así as aflicións que a súa alteración puidera ter ocasionado.

Como exemplo podemos falar do noso cerebro: un órgano con frecuencias cambiantes coñecidas. Cando estamos espertos, activos, emite vibracións beta o gamma (segundo sexa o nivel de actividade) dunha frecuencia alta. Cando estamos relaxados ou descansando de forma consciente, emite vibracións alfa (de frecuencia intermedia). Cando estamos nun estado de sono ou meditación, emite vibracións delta o theta (de frecuencias máis baixas). Con estas frecuencias rexenérase a mente e harmonizamos as nosas emocións (todos precisamos durmir ou toleariamos). A aplicación de dous vibracións moi similares pode inducir ao noso cerebro a emitir frecuencias theta ou delta como as producidas no sono ou meditación e, polo tanto, favorecer a rexeneración mental e espiritual. Sería literalmente como inducir a un sono rexenerativo, curativo e harmonioso.

A sonoterapia consiste, por tanto, en utilizar as vibracións con frecuencias determinadas para acadar os efectos anteriormente citados no corpo, na mente e no espírito.

Que son os diapasóns terapéuticos e como se utilizan para sandar? 

Os diapasóns terapéuticos son instrumentos que emiten unha vibración determinada. Deste xeito permiten traballar con frecuencias específicas desexadas (De modo individual ou combinada).

Poden utilizarse directamente en contacto co noso corpo, transmitindo a vibración a puntos enerxéticos ou órganos determinados e tamén nas proximidades do mesmo para transmitir a vibración de xeito máis sutil ao noso cerebro, a través dos ouvidos, ou ao noso corpo a través do noso campo enerxético. Ao sentir a súa enerxía e vibración, o noso corpo, como ser vibrante e frecuencia empática pura que é, comeza a vibrar e a resoar á mesma frecuencia que a do diapasón. O que está a suceder nese momento é un micromasaxe a nivel celular, unha recarga enerxética que lle está devolvendo ao corpo a súa vibración harmónica natural.

Isto é algo único e marabilloso deste instrumento, dificilmente alcanzable por outros medios, xa que a posibilidade de emitir frecuencias concretas permite non só a aplicación directa a órganos determinados, senón ademais a combinación de frecuencias para crear, entre outras, ondas theta e delta como se explicou anteriormente (cos enormes beneficios que isto ten).

A sonoterapia con diapasóns terapéuticos combina deste xeito coñecementos de culturas ancestrais que desde hai milenios utilizaban o son e a vibración para sandar, con coñecementos científicos máis modernos que nos permiten coñecer e xerar as frecuencias exactas que harmonizan e reequilibran o noso organismo.

Así, pódese traballar de xeito profundo e duradeiro a raíz das aflicións do paciente (equilibrando o noso sistema nervioso, aliviando dores, rexenerando tecidos, curando músculos e tendóns, etc.) devolvendo un estado harmónico a todo o noso organismo nos planos físico, mental, emocional e espiritual.

Canto dura unha sesión de sonoterapia?

Desde 60 ata 90 minutos, dependendo das necesidades específicas de cada paciente.

HORARIO: cita previa

PREZO: A partir de 20€ sesión (proba gratis)

Erica Rendall: Compositora, Educadora Musical, Sonoterapeuta profesional (licenciada por la Universidad de Artes de Berlín).

Máis información en:

info@ericarendall.com

   Tfn: 694444371

 

Por favor seguenos e comparte:

Pequeartistas de Aire

arañas8A partir de proxectos dun mes aproximado de duración, xs alumnxs de entre 4 e 14 anos aprenderán conceptos artísticos a partir do análise da obra de diferentes artistas e correntes.

Non só aprenderán sobre as formas, cores, composicións, espazo… senón que comprenderán o proceso creativo de diferentes técnicas, expresións e movementos artísticos.

Debuxo, pintura, escultura, arquitectura, gravado, fotografía serán as técnicas plásticas ás que recorreremos en todas as súas posibilidades para explotar a narratividade de cada alumnx e serviranos para aprender a expresar emocións, a presentar ao grupo o seu traballo, a compartir, explorar o seu entorno e as súas emocións, elaborar conceptos complexos, a organizarse e a traballar en grupo e individualmente.

estampacion cionOs obradoiros creativos de Aire non só serven para aprender as técnicas que ensinamos, senón que son unha ferramenta para expresarse que xerará confianza nos alumnos e lle permitirá aprender divertíndose.

A nivel físico, o manexo dos materiais, pinceis, ferramentas de modelado, etc… axudaralles a afinar as súas capacidades e destrezas, así como a liberar tensións acumuladas.

IDADES: de 4 a 13 anos

HORARIO:

Luns a partir das 16:30 ata as 19:30 (varios grupos)

Martes a partir das 16:30 ata 20 (varios grupos)

Venres a partir das 16:30 ata as 19 (varios grupos, crianzas entre 9 e 12 anos)

PREZO: 50€ matrícula, 35€ mensuais

Máis información en:

airecentrodearte@gmail.com

981 589 059

Por favor seguenos e comparte:

Idea, concepto e proceso da creación

debuxo ao naturalA arte e a imaxinación alimentan e desenvolven as capacidades creativas individuais. Ao mesmo tempo, facilita a comunicación, crea conexións neurais novas para favorecer a unha axilidade mental máis produtiva, axuda a adquirir coñecementos culturais e técnicos novos, elimina bloqueos e alivia o estrés.

Idea, concepto e proceso da creación é unha aula para a aprendizaxe creativa orientada a adultos no que buscaremos unha linguaxe expresiva persoal. Para logralo, desenvolveremos unha obra artística desde a súa base até a súa finalización, é dicir, xerar unha idea, desenvolver o concepto ao redor do que xira e localizalo nun contexto contemporáneo; logo comprender o proceso creativo, desde o emprego de materiais e ferramentas até que técnicas se poden usar; finalmente, abordar a súa resolución estética ou formal.

Nestes obradoiros creativos, a través da experiencia formal, estética, corporal e grupal desenvólvense coñecementos expresivos e emocionais a partir de distintas linguaxes artísticas:

Debuxo// Pintura// Gravado// Artes plásticas contemporánea// Escultura de pequeno formato

Linguaxes que nos obradoiros de “Idea, concepto e proceso da creación, desenvolvemento de proxectos persoais” poderántintas desenvolver e profundar segundo o interese que provoque cada un.

Todos os obradoiros están orientados a calquera adulto con ou sen coñecementos artísticos ou técnicos previos. Iranse equilibrando as prácticas plásticas para facilitar a comprensión da visión do outro e un mesmo, do xogo…

Trátase dun laboratorio de expresión, comunicación e proceso creativo específico para descubrir e potenciar as vosas mellores calidades individuais e grupais, favorecendo a autonomía, a confianza e a empatía.

IDADES: a partir de 13 anos

HORARIO: Martes e xoves de 11:00-13:00 // Xoves de 19:00-21:00

PREZO: 55€ con material incluído

Máis información en:

airecentrodearte@gmail.com

981 589 059

Por favor seguenos e comparte:

Cóntoche un conto! Obradoiro para nenxs de narrativa

IMG_5688Moitas veces, os adultos apodéranse da capacidade de contar contos a xs nenxs, mais isto vai cambiar! A partires de outubro xs nenxs toman o relevo e póñense a contar historias.

Cóntoche un conto! é un obradoiro para que xs cativxs de 8 a 12 anos aprendan a construír unha historia, un conto, creando as súas propias personaxes, os lugares que habitan, a que dificultades se enfrontarán e como sairán delas.

Desenvolveremos a imaxinación a partir de historias que controlarán xs propixs rapacxs. Contos onde todo é posible sempre que sexamos quen de construílo e contalo.

O obradoiro pretende desenvolver e afianzar esa imaxinación para que xs nenxs sexan quen de artellar estruturas e inventar outras, conseguindo que escribir se converta en algo divertido, nun xogo que asente as bases para que, máis adiante, poidan desenvolver escritos e análises de texto con maior seguridade.

Ademais, os contos inventados no taller serán contados en voz alta entre todxs, polo que axudarase a perder medos e gañar seguridade.

Cada participante precisará un caderno escollido ao seu gusto: grande ou pequena, de raias, lisa ou de cadros… unha coa que se sintan ben. Ao final, entre todxs, escolleremos os mellores relatos e crearemos o noso propio libro de contos.

IDADES: entre 8 e 12 anos

HORARIO: Luns de 18:15-19:45

PREZO: 30€

Máis información en:

airecentrodearte@gmail.com

981 589 059

Por favor seguenos e comparte:

Venres de letras. Club de lectura e escritura

IMG_5683A tardiña do último venres de cada mes, Aire centro de Arte transformarase nun recuncho onde compartir lecturas. Xuntarémonos para falar de libros e letras e así descubrir distintos xeitos de mergullarse en temas en aparencia semellantes, mais vistos de formas moi diferentes.

Nos primeiros meses do club, as lecturas estarán dirixidas, mais conforme avance o tempo, quen participe poderá propor libros segundo a temática escollida entre todxs. O tempo de lectura será dun mes e, nas reunións, comentaranse as impresións xurdidas nesas lecturas, o que provocará que nos fixemos en detalles que nun principio nos pasaron desapercibidos, desenvolveremos a mirada crítica e descubriremos novas formas de ver o que nos envolve.

Unha vez rematada a conversa, cada participante creará un pequeno texto inspirado no libre dese mes: o tema, algunha personaxe, algunha anécdota, o estilo… Calquera escusa valerá para construír un relato que compartiremos entre todxs, rematando a xornada do club con este xogo.

O club está destinado a afeccionadxs na lectura e na escritura. Non hai que ser críticx literario, nin ter coñecementos literarios profundos, só gusto pola lectura. Tampouco é preciso ter escrito antes, só deixarse levar polas letras e pasalo ben.

As propostas para o primeiro trimestre, xirarán ao redor da comida e como algo tan cotián afecta ao noso mundo:

-28 de outubro: Mexillóns para cear, de Birgit Vanderbeke.

-25 de novembro: …E os domingos, un croissant, de Ursula Heinze.

-16 de decembro: Como agua para chocolate, de Laura Esquivel.

IDADES: a partir de 16 anos

HORARIO: Último venres do mes, de 19:15 a 21:00

PREZO: 20€ (inclúe aperitivo de tarde e práctica de narración)

 

Máis información en:

airecentrodearte@gmail.com

981 589 059

Por favor seguenos e comparte: